Eger sen isleseñ

Eger sen isleseñ, bolarsyñ azat,
Eger sen isleseñ, gyrylar zynjyr.
Eger sen isleseñ, sowular güzap,
Ýöne isleg bolmaly däl ýarymçyk!

Eger sen isleseñ, bolarsyñ erkin,
Saklap bilmez seni türme, diwarlar.
Çykarsyñ tikenli simleri gyrkyp,
Gul bolmaz içinde namysy barlar.

Eger sen isleseñ, gurarsyñ köpri,
Özgäñ paýapylna ymsynyp ýörmän.
Eger sen isleseñ, gazarsyñ guýy,
Sowuk suw içersiñ bilegiñ çermäp.

Eger sen isleseñ, synansañ çyndan,
Perhat kibi, dagy ýaryp gidersiñ!
Eger sen isleseñ, geçersiñ jandan,
Ýöne ahyr tutan işiñ edersiñ!

Eger sen isleseñ, çyndan, añyrdan,
Diýjek däl men oýun oýna, emel et;
Daşy deşen damja seret, tañrydan,
Yşarat bi, isle hemem amal et!