Şahyr diňe ümsüm redaksiýalarda

Şahyr diňe ümsüm redaksiýalarda
ýa-da neşirýatda tanalmaly däl.
Şahyr
tanalmaly köçe-ýollarda,
şahyry bilmeli oba, şäher, il!

Kolumb deý,
şahyrlar beýniniň, başyň
heniz-heniz açylmadyk bölegin
açmaly hem käte serdirip läşin
gitmeli,
düşün sen, meniň melegim!..

Şahyryň ykbaly ýurdunyňkydan
aýra däldir, aýra däldir,
bek biliň.
Şahyryň ykbaly --
ykbaly iliň!