Her gün

Her gün säher, öýlän, agşam
adam özün gözlemeli, tapmaly,
tapjak bolmaly bolman,
kim bilen, nirede, näme işleýär,
nämäniň yşkynda, nämä ynanýar,
nämä janyn ýakýar, ýakmaýar ýa-da,
nämüçin harç edýär ýeke ömrüni
gaşyn çytman, oýlanman?

Ol özüni tanaýarmy, bilýärmi,
ýa özge birine akyl berýärmi,
öz-özünden razymy, gedemmi,
görýärmi özüne näme edenni,
ýa diňe özgäniň aýbyn görýärmi?

Her gün säher, öýlän, agşam,
adam özün gözlemeli,
hem özünden soramaly,
dogrymy barýan ýolum?